Fjalor i Gjuhës Shqipe

Fjalori i fundit(2006) i publikuar nga ASHSH(Instituti i Gjuhësisë dhe Letërsisë) - rreth 48.000 fjalë

Kuptimi i fjalës sikur
sikur:

sikúr lidh. 1. lidh një fjali mënyrore-krahasore, që shpreh një krahasim të përafërt me fjalinë drejtuese: bënte sikur flinte; hiqej sikur nuk dinte gjë. 2. lidh një fjali kryefjalore, kundrinore ose kallëzuesore, që shpreh diçka me dyshim ose me hamendje, me fjalinë drejtuese: ndjeu sikur e kapi dikush; iu duk sikur u hap dera. 3. lidh një fjali kushtore, në të cilën shprehet një kusht i mundshëm, që dëshirohet ose që nuk ka gjasë të plotësohet, me fjalinë drejtuese; në qoftë se, po: sikur të kishin qenë të bashkuar, do të kishin fituar; po sikur të mos vijë, ç’do të bëjmë? 4. me një folje në mënyrën lidhore shpreh një dëshirë: sikur të vinte (të kishte ardhur)! 5. siç: sikur the ti më parë.

sikur:

sikúr pj. përdoret për t’i dhënë një fjalie thirrmore a dëshirore një ngjyrim dyshimi, mosbesimi, pasigurie etj. ose për të përforcuar një dëshirë a një kërkesë që duket si e paplotësueshme etj.: sikur nuk u kënaq; sikur di gjë ti!; sikur po vjen; ah, sikur të isha atje!

Sinonime / Të përafërta:
po
siç
ah
Në literaturë:

...nga mosha. Porsa ka marrë vesh që erdhëm ne, paska vënë medaljet, paska ngjeshur koburen dhe ka dalë përjashta. Tani këtë e bën përditë. - Madje, edhe punëtorët shqiptarë i vështron me përbuzie - tha prifti. - Pardje, specialisti e pyeti për diçka dhe ai nuk iu përgjigj. - Është plak fanatik. Siç duket, edhe ata i duken si aleatët tanë. - E di? - vazhdoi gjenerali, me zë të ulët. - Njeriu duhet të parashikojë çdo gjë. Unë u trembem torollakëve të tillë Ja, i shkrepet, nxjerr koburen e të qëllon mu në mes të ditës! - Çdo gjë mund të ndodhë, - tha prifti. - Nga një gjysmë i lënë si...

Ismail Kadare, "Gjenerali i Ushtrisë së Vdekur"
Në literaturë:

... ARKEOLOGJIA E VDEKJES Romani - i shkëlqyer - i këtij shkrimtari të ri shqiptar ngrihet, qysh në fillim, mbi anekdotën makabre. Ai i largohet humorit të zymtë, që vetë subjekti duket sikur e kërkon, dhe nëse, për mënyrën e procedimit, të kujton Buzzati-n, nuk mund të mos vihet re, njëherazi, se "Gjenerali i ushtrisë së vdekur” nuk është, pavarësisht nga përshtypja e parë, një parabolë e mirëfilltë dhe, aq më pak, një përsiatje metafizike. Në rastin më të skajshëm, ky gjeneral që zhvarros ushtarë, të cilët nuk i ka njohur ndonjëherë, për t'i rigrupuar në një ushtri fantazmash, mund të...

Ismail Kadare, "Gjenerali i Ushtrise se Vdekur"

...kush në këtë anë, i ra sëmundja e tokës. Trapari, që e kishte parë me sy gjithçka, tregoi se zhelani i panjohur, me pamje gjysmë shenjtori gjysmë të çmenduri, pasi qe endur një copë herë te bregu, midis skelës së trapit dhe vendit ku kalohet lumi në va gjatë verës, lëshoi papritur një klithmë, sikur t'i kishin prerë fytin, dhe ra përmbys mu në llucë. Ndonëse te kjo pikë e bregut bëhej kalimi i njerëzve ei bagëtive me anë të trapit mbi lumë, prapëseprapë kjo s'ishte veç një humbëtirë e pamësuar me ngjarje të bujshme. Të tilla natyrisht kishin ndodhur, si në çdo pikë kalimi e sidomos në një...

Ismail Kadare, "Ura me Tri Harqe"

...individë, të cilët nuk kanë tjetër meritë, përpos pse rastësisht kanë lindur në të njëjtën provincë me bëmirësit e vet apo pse janë rreshkur me ta nën të njëjtat rreze të diellit. Kjo do të ishte njëra faqe e provincialistëve dhe e provincializmit dhe kjo faqe, ndoshta, nuk do të ishte aq e zezë sikur provincialistët dhe provincializmi mos ta kishin edhe faqen tjetër akoma më të zezë. Duke e mbështetur mendimin e vet mbi hiperbola, në njërën anë, provincialisti doemos shtrëngohet ta deformojë logjikën objektive në anën tjetër. Në të vërtetë ai nuk ka kritere, por vetëm ndjenja, kurse edhe ndjenjat...

Rexhep Qosja, "Panteoni i rralluar"

...kadifenë e kuqe të ndenjëseve, heshtjen e spektatorëve, pastaj duartrokitjet e zgjatura në fund, bashkë me britmat “autori, autori”, nuk do të pësonin gjë. Ishte tjetra që do të binte. Si në zbardhje të vetëtimës vetuan të bëra lëmsh vija ndarëse e gjinjve, pastaj lotët që s'kuptoheshin pse. Sikur ta dinte që diçka nuk shkonte, mendoi gjithë sëmbim. Që gjithsesi do të dilte keq. Hetuesi, pas pyetjes, “e njihni, pra, vajzën?”', kishte thënë diçka tjetër, ndoshta emrin e saj, por turbullimi nuk e linte tjetrin të përqendrohej. Përse ajo e ndiente të keqen e ti jo, i tha vetes qortueshëm...

Ismail Kadare, "E Penguara"

...një periudhe trazirash që zgjatën katër dekada me radhë. Kontradiktat e brendshme që u bënë shkak për këtë vrasje dhe për intrigat e mëvonshme dinastike, krijuan rast për hapjen e konflikteve midis Maqedonisë dhe fqinjëve të saj. Në fillim të sundimit të Amyntës II, që pasoi Arhelaun, u duk sikur konflikti iliro-maqedon gjeti një zgjidhje. Martesa e Amyntës me një bijë të mbretit Syra, të quajtur Eurydike, që ishte në të njëjtën kohë edhe mbesë e Arrabeut, fsheh në vetvete faktin që midis ilirëve e maqedonëve ishte arritur një marrëveshje pajtimi për çështjen e lynkestëve. Por kjo gjendje...

Akademia Shqiptare e Shkencave, "Historia e Popullit Shqiptar"
Të ngjashme:
dikur:

dikúr ndajf. 1. në një të kaluar të largët, qëmoti; më parë. 2. ndonjëherë në të ardhmen: dikur do të pendohet (do ta kuptojë).

silur:

silúr,-i m. sh. -ë(t) usht. predhë e madhe e zgjatur që lëshohet nën ujë kundër një anijeje a një nëndetëseje; torpilë.

fikur:

fikur (i, e) mb. 1. i shuar. 2. i këputur.

situr:

sítur (i, e) mb. që është situr; që është bërë me miell të tillë: miell i situr; rërë e situr; bukë e situr.