Fjalor i Gjuhës Shqipe

Fjalori i fundit(2006) i publikuar nga ASHSH(Instituti i Gjuhësisë dhe Letërsisë) - rreth 48.000 fjalë

Kuptimi i fjalës ende
ende:

endé ndajf. 1. deri në kohën kur flasim ose për të cilin flasim: rron ende; ende s’ka ardhur; ende s’e paska thyer qafën! (mospërf.). 2. edhe më, edhe ca; përsëri, prapë: do ende; ka ende nevojë.

endë:

énd/ë,-a (éndëz,-a) f. 1. pjalm: endë luleje; endë mielli; s’është as për endë, as për miell (fj. u.) nuk vlen për asgjë. 2. bot. tërësia e luleve të imëta si pjalm, që çelin disa drurë a shkurre: enda e ullirit (e shqopës).

ëndë:

ënd/ë,-a f. sh. -a(t) ëndje: ma ka ënda më pëlqen, dua ta kem.

Sinonime / Të përafërta:
përsëri
prapë
Në literaturë:

...nga mosha. Porsa ka marrë vesh që erdhëm ne, paska vënë medaljet, paska ngjeshur koburen dhe ka dalë përjashta. Tani këtë e bën përditë. - Madje, edhe punëtorët shqiptarë i vështron me përbuzie - tha prifti. - Pardje, specialisti e pyeti për diçka dhe ai nuk iu përgjigj. - Është plak fanatik. Siç duket, edhe ata i duken si aleatët tanë. - E di? - vazhdoi gjenerali, me zë të ulët. - Njeriu duhet të parashikojë çdo gjë. Unë u trembem torollakëve të tillë Ja, i shkrepet, nxjerr koburen e të qëllon mu në mes të ditës! - Çdo gjë mund të ndodhë, - tha prifti. - Nga një gjysmë i lënë si...

Ismail Kadare, "Gjenerali i Ushtrisë së Vdekur"
Në literaturë:

...sipërfaqe: vdekja e Reizit, punëtorit që gërvishti dorën me kopsën e uniformës së një ushtari të varrosur para disa dhjetëvjeçarësh, kthehet në simbol të goditur të asaj paqeje që, përherë, vetëm në pamje të jashtme është e tillë. Kufomat, edhe pas njëzet vjetësh, mund të vrasin sërish, mund të kryejnë ende, tinëzisht, rolin e tyre prej ushtari. (...) Që nëpërmjet këtij gjenerali italian, i cili vjen të kërkojë të vetët" dhe që, gjatë endjeve të tij, takohet me një gjenerallejtënant gjerman të ngarkuar me të njëjtin mision, ka një kritikë therëse ndaj të gjitha llojeve të fashizmit, kjo...

Ismail Kadare, "Gjenerali i Ushtrise se Vdekur"

...njeriun e ri, ai përpiqet të restaurojë "ikonën" dhe të ruajë në kujtesë Shqipërinë e përjetshme. ÉRIC FAYE Ura me tri harqe Ashtu siç dridhem unë në mur, Ashtu u dredhtë dhe kjo urë, Balada e murimit Unë, murgu Gjon, biri i GjorgUkcamës, tue u kujtuom se në gluhën tonë ende s'ka gja të shkruom për urën mbi Ujanën e Keqe, aq më keq, kur për të vazhdojnë të thuren gojëdhëna e histori të paqëna e gjithfarë dokrrash, tani që ajo mbaroi së ndërtuari, madje që u spërkat edhe dy herë me gjak, në themel e në kulm, vendosa të shkruaj kronikën e saj. Të dielën që shkoi, natën...

Ismail Kadare, "Ura me Tri Harqe"

...Madje në këtë kohë përsosen dhe më tepër armët e gjuetisë si dhe format e saj. Mbledhja e prodhimeve të gatshme, gjithashtu, mbetet një nga mënyrat e sigurimit të ushqimit të përditshëm. Gjatë kësaj epoke përfundon procesi i gjatë dhe i ndërlikuar i antropogjenezës. Nga neandertali, me tipare ende shtazore, kalohet tani në tipin e njeriut të sotëm - homo sapiens. Si rrjedhim i përsosjes së veglave të punës prej stralli e kocke u rrit ndjeshëm mundësia e sigurimit më me shumicë të produkteve ushqimore, gjë që solli ndryshime dhe në organizimin e bashkësisë primitive. Formohen tani grupe...

Akademia Shqiptare e Shkencave, "Historia e Popullit Shqiptar"

...gati të përshëndesë. Rudiani bëri sikur s'e vuri re. Te hyrja e Teatrit, tabela e afisheve ishte prapë e zbrazët. Më mirë të mos e dinte. Mendimi i erdhi i shkëputur nga çdo lidhje e mundshme. Të mos dinte çfarë? Ato që do të thuheshin ose që ishin thënë ndërkaq në Këshillin Artistik, dhe ai ende s'i kishte marrë vesh? Natyrisht, mendoi, por aty për aty iu kujtua se fjalët ia kishte thënë, ndërkaq, tjetërkush. Çfarë ishte mirë të mos dinte, thirri së brendshmi. Më shumë se me vajzën, mllefin e kishte tani me vetveten. I kishte dëgjuar ato fjalë e kishte qëndruar si squlls, në kohën kur...

Ismail Kadare, "E Penguara"
Të ngjashme:
lende:

lénd/e,-ja f. sh. -e(t) 1. kokërr e vogël si lajthi, me një kapuç nga njëra anë, që lidhin disa drurë; gogël: lende lisi (dushku, prralli). 2. boçe: lende bredhi (vgjeri).

rende:

rénd/e,-ja f. sh. -e(t) përdorëse kuzhine me vrima e me dhëmbëza, që shërben për të grirë perime, pemë etj.

endje:

éndj/e,-aI f. veprimi sipas foljeve: reparti i endjes.