Fjalor i Gjuhës Shqipe

Fjalori i fundit(2006) i publikuar nga ASHSH(Instituti i Gjuhësisë dhe Letërsisë) - rreth 48.000 fjalë

Kuptimi i fjalës atëhershëm
atëhershëm:

atëhérsh/ëm (i), -me (e) mb. që ka qenë atëherë, i asaj kohe: jeta (kushtet) e atëhershme.

Në literaturë:

...nga mosha. Porsa ka marrë vesh që erdhëm ne, paska vënë medaljet, paska ngjeshur koburen dhe ka dalë përjashta. Tani këtë e bën përditë. - Madje, edhe punëtorët shqiptarë i vështron me përbuzie - tha prifti. - Pardje, specialisti e pyeti për diçka dhe ai nuk iu përgjigj. - Është plak fanatik. Siç duket, edhe ata i duken si aleatët tanë. - E di? - vazhdoi gjenerali, me zë të ulët. - Njeriu duhet të parashikojë çdo gjë. Unë u trembem torollakëve të tillë Ja, i shkrepet, nxjerr koburen e të qëllon mu në mes të ditës! - Çdo gjë mund të ndodhë, - tha prifti. - Nga një gjysmë i lënë si...

Ismail Kadare, "Gjenerali i Ushtrisë së Vdekur"
Në literaturë:

...nga çasti në çast do të rrokullisej në rrëshqitë. Pastaj çdo gjë e mbuloi përsëri terri. Ai dëgjonte këngën dhe mundohej të nxirrte me mend kuptimin e saj. Kjo ishte një këngë e gjerë dhe e trishtuar. Ik e ik... Ndoshta, ai kujton shokët e tij të vrarë, mendoi gjenerali. Një nga vizitorët e atëhershëm, në sallonin e tij, i kishte thënë se ata i kujtonin shpesh në këngë shokët e vrarë. Kushedi ç'ka në kokë ky gropshar i vjetër, mendoi gjenerali. Hap varre poshtë e lart dhe qëmton kujtimet e tij të luftës. Me siguri e urrente. E shihte urrejtjen në sytë e tij. Dhe s'kishte si të ndodhte ndryshe...

Ismail Kadare, "Gjenerali i Ushtrise se Vdekur"

...neandertalasve. Me mbledhjen e frutave dhe të zhardhokëve, me ruajtjen e zjarrit, me rritjen e fëmijëve, me përgatitjen e lëkurës për veshje, etj., merrej gruaja, ndërsa burri dilte për gjah ose merrej me përgatitjen e veglave të punës dhe të armëve. Gjuetia e kafshëve të mëdha, në kushtet e nivelit të atëhershëm, primitiv të veglave të punës, mund të bëhej vetëm në mënyrë kolektive. Në këto rrethana ajo ndihmoi shumë në forcimin e lidhjeve të brendshme midis anëtarëve të grupeve dhe së bashku me krijimin e lidhjeve të gjakut shpuri në organizimin e bashkësisë primitive. Lindja e gjinisë matriarkale...

Akademia Shqiptare e Shkencave, "Historia e Popullit Shqiptar"
Të ngjashme:
asohershëm:

asohérsh/ëm (i), -me (e) mb. i atëhershëm.

njëhershëm:

njëhérsh/ëm (i), -me (e) mb. 1. i dikurshëm, i moçëm: veshjet (dasmat) e njëhershme. 2. që jepet vetëm një herë: shpërblim i njëhershëm. 3. që bëhet në të njëjtën kohë me diçka tjetër: goditje e njëhershme.

mëhershëm:

mëhérsh/ëm (i), -me (e) mb. më i hershëm: ngjarje e mëhershme.