Fjalor i Gjuhës Shqipe

Fjalori i fundit(2006) i publikuar nga ASHSH(Instituti i Gjuhësisë dhe Letërsisë) - rreth 48.000 fjalë

Kuptimi i fjalës askush
askush:

askúsh pacak. asnjë njeri: mos ia thuaj askujt.

askush:

askúsh-i m. bised. njeri pa asnjë vlerë; një hiç.

Në literaturë:

...nga mosha. Porsa ka marrë vesh që erdhëm ne, paska vënë medaljet, paska ngjeshur koburen dhe ka dalë përjashta. Tani këtë e bën përditë. - Madje, edhe punëtorët shqiptarë i vështron me përbuzie - tha prifti. - Pardje, specialisti e pyeti për diçka dhe ai nuk iu përgjigj. - Është plak fanatik. Siç duket, edhe ata i duken si aleatët tanë. - E di? - vazhdoi gjenerali, me zë të ulët. - Njeriu duhet të parashikojë çdo gjë. Unë u trembem torollakëve të tillë Ja, i shkrepet, nxjerr koburen e të qëllon mu në mes të ditës! - Çdo gjë mund të ndodhë, - tha prifti. - Nga një gjysmë i lënë si...

Ismail Kadare, "Gjenerali i Ushtrisë së Vdekur"
Në literaturë:

...madje edhe përtej kufijve të shtetit të Arbrit, në pjesët e tjera të gadishullit. Kjo paska ndodhur qysh në dimrin e vitit 1367, dhjetë vjet më parë, kur të gjitha trapet e kalimit nëpër lumenj, gjire e liqene, i paska blerë një njeri i çuditshëm, i ardhur Zoti e di nga, emrin e të cilit s'e di askush, madje thonë se ai s'ka emër tjetër veç atij "Lundra dhe trape", që ka mbirë kudo, si të ishte një bimë që buis gjithandej ku ka ujëra dhe lagështirë. Thonë se edhe në shtëpinë e vet të madhe, prej nga drejton punët, ai ka të njëjtën pllakë, madje edhe në shkresat e llogarive e të gjyqeve ai...

Ismail Kadare, "Ura me Tri Harqe"

...thurimën e hekurt dhe, herëherë, ndonjë veturë, ndanë trotuarit. Pastaj ai hynte drejt e në sallon, ku ndihej era e rëndë e rrobave të lagura, që përzihej me parfumin e ndonjë gruaje elegante, dhe të gjithë çoheshin në këmbë me nderim, të heshtur si dhe më parë, pa thënë në fillim asgjë, sepse askush s'e dinte si flitej në një rast të tillë. Pastaj, si hante drekë, ai shkonte në sallon dhe njerëzit flisnin me radhë. Sa të ngjashme ishin fjalët e tyre. Dhe ajo që u kishte ndodhur njerëzve të tyre ishte një gjë kaq e ngjashme, sa atij i dukej sikur çdo ditë ishte dita e djeshme, që po e shihte...

Ismail Kadare, "Gjenerali i Ushtrise se Vdekur"

...mediokritetesh në jetën politiko-shoqërore: për mediokritetet vullnetare dhe për mediokritetet e dhunuara. Çfarë tipesh ka më shumë? Është vështirë t'i jepet përgjegjja kësaj pyetje për arësyen e thjeshtë se: e para, mediokritetet, shpesh, nuk e dinë dhe nuk e pranojnë se janë mediokritete dhe, e dyta, pse askush nuk del në rrugë të thotë jam apo më kanë bërë mediokritet, gjysmak. Mediokritetet politike vullnetare nuk mendojnë politikisht me kokën e vet ose pse e kanë mesatarisht të vogël dhe në të s'mund t'ju lindin farë ideshë apo mendimesh origjinale ose pse, si edhe gjithë mediokritetet e të gjitha meridianeve...

Rexhep Qosja, "Panteoni i rralluar"

...me atë B-në? Aha, ishte përgjigjur vajza. Fantazitë tona. Ka lidhje me vjershën e Migjenit, kushtuar zonjushës B. Për herë të dytë, me anë të lëvizjes së kokës, bëri shenjën se nuk i kujtohej asgjë. U habit dhe vetë me qetësinë që i dha vendimi i atypëratyshëm për të mos qenë më i sinqertë. Askush nuk e meritonte, mendoi. Ata të dy, te tryeza përpara tij, natyrisht. Por jo vetëm ata. Të gjithë. Duke nisur nga e dashura e tij. Nga gjithë të tjerët, duke mbaruar ndoshta tek ajo e internuara misterioze. Do të bëhej dhe ai si ata. Me sa dukej, ky ishte shpëtimi. Mbylli portat e dobësisë për...

Ismail Kadare, "E Penguara"

...vazhdoi në ato qytete që përballuan krizën. Në provincat jugore jeta qytetare nuk u shua; pati edhe qytete, të cilat mbetën si qendërbanime të rëndësishme, sidomos në ultësirën bregdetare. Në një burim të shkruar, kur tregohet për pushtimet e bëra nga Teodoriku në provincën e Epirit të Ri thuhet: « askush nuk do të duronte që ai të mbante qytete kaq të mëdha ». Qyteti më i madh në trevën jugore ilire, i cili jo vetëm ruajti fizionominë e tij, por nga shekujt V e VI, sidomos në këtë të fundit, pati një zhvillim e lulëzim të mëtejshëm, ka qenë Dyrrahu. Ai ishte njëkohësisht edhe kryeqendër e provincës...

Akademia Shqiptare e Shkencave, "Historia e Popullit Shqiptar"
Të ngjashme:
akëkush:

akëkúsh pacak. akëcili (për njerëz), akësekush.

askund:

askúnd(i) ndajf. në asnjë vend, asgjëkund(i).

çokush:

çokúsh pacak. bised. dikush.

dikush:

dikúsh (gjin. i, e dikújt; dhan. dikújt; kallëz. dikë) pacak. ndonjë njeri i panjohur a që nuk duam t’ia themi emrin, ndokush; njëri prej disa njerëzve: dikush troket; dikush prej jush.