Fjalor i Gjuhës Shqipe

Fjalori i fundit(2006) i publikuar nga ASHSH(Instituti i Gjuhësisë dhe Letërsisë) - rreth 48.000 fjalë

Kuptimi i fjalës artistik
artistik:

artistík,-e mb. që lidhet me artin a me artistët, i artit a i artistëve; që krijohet a që vepron sipas kërkesave të artit; që ka vlera arti: letërsi artistike; film artistik; krijimtari artistike; lice artisti; prodhime artistike.

Në literaturë:

...nga mosha. Porsa ka marrë vesh që erdhëm ne, paska vënë medaljet, paska ngjeshur koburen dhe ka dalë përjashta. Tani këtë e bën përditë. - Madje, edhe punëtorët shqiptarë i vështron me përbuzie - tha prifti. - Pardje, specialisti e pyeti për diçka dhe ai nuk iu përgjigj. - Është plak fanatik. Siç duket, edhe ata i duken si aleatët tanë. - E di? - vazhdoi gjenerali, me zë të ulët. - Njeriu duhet të parashikojë çdo gjë. Unë u trembem torollakëve të tillë Ja, i shkrepet, nxjerr koburen e të qëllon mu në mes të ditës! - Çdo gjë mund të ndodhë, - tha prifti. - Nga një gjysmë i lënë si...

Ismail Kadare, "Gjenerali i Ushtrisë së Vdekur"
Në literaturë:

...Ataturkut, nën sundimin e Ekaterinës dhe në vitet e Revolucionit të Tetorit. Dhe, ashtu sikundër ka pasur dhe ka në të gjitha hapësirat dhe në të gjitha sistemet shoqërore, po ashtu, mediokritete ka pasur dhe ka edhe në të gjitha fushat e krijimtarisë dhe të aktivitetit të njeriut: në krijimtarinë artistike dhe krijimtarinë shkencore, në jetën kulturore dhe në jetën politike, në jetën arësimore dhe në komunikimin e përditshëm ndërmjet njerëzve. Mediokritetet janë aq të përhapur saqë mund të thuhet se nuk ka fushë të realizimit të njeriut, si subjek shoqëror, ku nuk shfaqen mediokritetet ashtu si nuk...

Rexhep Qosja, "Panteoni i rralluar"

...dekorative gjeometrike dhe figurative skematike. Arti dekorativ neolitik shfaqet me tërë përmbajtjen e tij sidomos në prodhimet e poçerisë, ku shumë nga format e enëve me harmoninë dhe me elegancën e trupit të tyre i tejkalojnë kërkesat e ngushta utilitare dhe hyjnë në fushën e realizimeve artistike. Në tërë kulturat neolitike të vendit tonë qeramika paraqitet e zbukuruar me ornamente të shumta të realizuara me teknika të ndryshme (pikturim, gërvishtje, ngulitje, inkrustim, etj.) dhe trajtime të veçanta stilistike, sipas fazave të zhvillimit përparues të saj. Motivet e zbukurimit përbëhen...

Akademia Shqiptare e Shkencave, "Historia e Popullit Shqiptar"

... - Patjetër, - u përgjigj dramaturgu. Tek akti i dytë, mendoi. Atje ku shfaqej fantazma. Kishte vënë re se gabimi, nëse kishte të tillë, shfaqej zakonisht në fundin e aktit të dytë. Megjithatë, nuk po e kuptonte se përse për një gjë të tillë duhej të përgjigjej në hetuesi e jo në Këshillin artistik të Teatrit, si zakonisht. - Është fjala për një çështje delikate, - vazhdoi hetuesi. - Sidoqoftë, nuk e kuptoj përse duhet të përgjigjem këtu, - tha dramaturgu. Të dy zyrtarët vështruan njëri-tjetrin. - Shoku shkrimtar, - tha sekretari i dytë, - unë jua shpjegova se kjo lidhet me nderimin...

Ismail Kadare, "E Penguara"

...gjithmonë e më shpesh, në të gjitha viset e Ballkanit po duken turqit. Ata i takon nëpër udhët e mëdha, në bujtina, në porte qytetesh, duke pritur lejen e hyrjes, në panaire, lundra, kudo. Herë shfaqen në formë dërgatash politike ose ekonomike, herë si misionarë tregtarë, herë në grupe shëtitëse artistike, si sekte fetare, njësi ushtarake, ose tuafë të vetmuar. Këngët e tyre të zvargura, me një rëndim gjumi midis, dëgjohen shpesh e më shpesh kudo. Sjellja e tyre, ecja e lehtë, lëvizjet e tymta brenda veshjeve të gjera, që duket sikur janë bërë enkas për të fshehur gjendjen e gjymtyrëve, dhe...

Ismail Kadare, "Ura me Tri Harqe"
Të ngjashme:
artiste:

artíst,-e, -ja f. sh. -e(t).

artist:

artíst,-i m. sh. -ë(t) 1. ai që luan me mjeshtëri një pjesë teatrale a muzikore, një rol në film etj.: artistët shqiptarë; artist cirku. 2. krijues veprash arti në pikturë, në skulpturë, në muzikë etj. 3. fig. mjeshtër i shquar në një punë: është artist si rrobaqepës.