Fjalor i Gjuhës Shqipe 
Fjalori i fundit(2006) i publikuar nga ASHSH(Instituti i Gjuhësisë dhe Letërsisë) - rreth 48.000 fjalë
Kuptimi i fjalës arber
árb,-ër, -ëre mb. arbëror.
árb/ër,-ri m. sh. -ër(-rit) 1. hist. emër për shqiptarët në mesjetë; arbëresh. 2. shqiptar (për ta dalluar nga të huajt): jam arbër; / krahin. banor i një pjese të Labërisë së Vlorës.
Në literaturë:
...nga mosha. Porsa ka marrë vesh që erdhëm ne, paska vënë medaljet, paska ngjeshur koburen dhe ka dalë përjashta. Tani këtë e bën përditë. - Madje, edhe punëtorët shqiptarë i vështron me përbuzie - tha prifti. - Pardje, specialisti e pyeti për diçka dhe ai nuk iu përgjigj. - Është plak fanatik. Siç duket, edhe ata i duken si aleatët tanë. - E di? - vazhdoi gjenerali, me zë të ulët. - Njeriu duhet të parashikojë çdo gjë. Unë u trembem torollakëve të tillë Ja, i shkrepet, nxjerr koburen e të qëllon mu në mes të ditës! - Çdo gjë mund të ndodhë, - tha prifti. - Nga një gjysmë i lënë si...
Ismail Kadare, "Gjenerali i Ushtrisë së Vdekur"
Në literaturë:
...konsekuente e intensive u zhvilluan proceset ekonomike, politike, kulturore e psikologjike, që plazmuan qenien historike të kombit shqiptar. Me të drejtë, studiues si M. Shuflai, K. Jireçek, G. Prinzig, M. Angold, e kanë vlerësuar këtë territor si « bërthamën e trojeve shqiptare ». Emri i vendit, Arbër, dhe i banorëve të tij, arbëreshë, trashëgohej nga kohët antike. Në fakt, në shek. II të erës sonë, gjeografi aleksandrin Ptolemeu, njoftonte praninë në këto territore të një fisi me emrin albanoi dhe të kryeqendrës së tyre, Albanopolis. Këta etnonimë iu trashëguan vendit dhe banorëve të tij edhe...
Akademia Shqiptare e Shkencave, "Historia e Popullit Shqiptar"
...hapësh e të mbyllësh sytë kalorësi Mark Stresi, s'dihet pse, dhe pas tij një kasnec i huaj. Kur ra muzgu, kalimet u bënë mjaft të rralla dhe, veç kësaj, për shkak të territ, kalimtarët nuk njiheshin më. Duke shquar hijet e tyre mbi urë, shumë-shumë mund të kuptoje prej ecjes, nëse ishin arbër apo të huaj, por kurrsesi s'mund të merrje me mend përse udhëtonin, për gëzim, pendesë, apo vrasje. LI 1 Për njëqind orë rresht mbi urë nuk kaloi asnjë frymë. Binte shi. Horizonti ishte i tretur në mjegull. Thuhej se murtaja po bënte kërdinë në Evropën Qendrore. Ç'ishte kjo ndërprerje?...
Ismail Kadare, "Ura me Tri Harqe"
Të ngjashme:
álb/ër,-ra f. sh. -ra(t) ashkël; lapër.
ampér,-i m. sh. -ë(t) fiz. njësi matëse e fuqisë së rrymës elektrike (shkurt. A).
armén,-i m. sh. -ë(t) banor vendës i Armenisë ose me prejardhje nga Armenia.
ars/éj kal., -éva, -ýer arsimoj.