Fjalor i Gjuhës Shqipe

Fjalori i fundit(2006) i publikuar nga ASHSH(Instituti i Gjuhësisë dhe Letërsisë) - rreth 48.000 fjalë

Kuptimi i fjalës anarki
anarki:

anarkí,-a f. sh. -(të) gjendje e çrregullt, kur nuk ka shtet a nuk veprojnë ligjet; pështjellim e rrëmujë, ngaqë mungon drejtimi e organizimi.

Në literaturë:

...nga mosha. Porsa ka marrë vesh që erdhëm ne, paska vënë medaljet, paska ngjeshur koburen dhe ka dalë përjashta. Tani këtë e bën përditë. - Madje, edhe punëtorët shqiptarë i vështron me përbuzie - tha prifti. - Pardje, specialisti e pyeti për diçka dhe ai nuk iu përgjigj. - Është plak fanatik. Siç duket, edhe ata i duken si aleatët tanë. - E di? - vazhdoi gjenerali, me zë të ulët. - Njeriu duhet të parashikojë çdo gjë. Unë u trembem torollakëve të tillë Ja, i shkrepet, nxjerr koburen e të qëllon mu në mes të ditës! - Çdo gjë mund të ndodhë, - tha prifti. - Nga një gjysmë i lënë si...

Ismail Kadare, "Gjenerali i Ushtrisë së Vdekur"
Në literaturë:

...letrare. Dhe, duhet t'i pranojnë këto obligime për dy arësye: e para, që kritika e tyre të jetë efektive dhe e dyta, që të jetë moderne. Detyrën e parë Razi Brahimi e kryen, por e kryen në një mënyrë të njëanshme, kurse të dytën e kryen edhe më pak, për shkak se të parës ja ka flijuar të dytën. ANARKIA E KRITEREVE Megjithëse në historinë e letërsisë botërore mund të gjenden emrat e ca shkrimtarëve të shquar, sidomos të shekujve të shkuar, që gjatë jetës së tyre nuk e kanë marrë asnjëherë pendën në dorë që të shkruajnë për letërsinë, gjithsesi është shumë më i madh numri i shkrimtarëve të tjerë...

Rexhep Qosja, "Panteoni i rralluar"

...mendimin për t’u hedhur në Afrikë edhe pse nuk e kishte të sigurt akoma gjendjen në Itali. I prerë në vendimin e tij, ai iu vu përgatitjes së flotës dhe organizimit të ushtrisë, pa menduar se ata kërkonin rezerva të mëdha njerëzore dhe financiare, të cilat siciliasit e lodhur nga luftërat dhe anarkia që kishte pllakosur vendin pas vdekjes së Agathoklit, nuk mund t’i siguronin. Nga ana tjetër, ndërhyrja arbitrare e Pirros në punët e brendshme të qyteteve të Sicilisë dhe shkelja nga ai e traditave të tyre demokratike, bëri që Pirroja të humbiste dita-ditës e më shumë besimin në ishull dhe...

Akademia Shqiptare e Shkencave, "Historia e Popullit Shqiptar"
Të ngjashme:
anarkik:

anarkí,-k, -ke mb. që është në anarki a që sjell anarki: gjendje anarkike.

anarkist:

anarkíst,-i m. sh. -ë(t) ithtar i anarkizmit;

angari:

angarí,-a f. sh. -(të) 1. edhe si mb., punë e detyruar e pa shpërblim; / fig. punë që bëhet pa dëshirë e shkel e shko: punë angari. 2. si ndajf. me detyrim e pa shpërblim; / fig. pa dëshirë e shkel e shko: e bëri angari.

autarki:

autarkí,-a f. ek. politikë e synim i një shteti për të krijuar një ekonomi kombëtare të mbyllur.

monarki:

monarkí,-a f. sh. -(të) formë qeverisjeje, në të cilën pushteti më i lartë është në duar të një monarku; shtet monarkik; mbretëri: monarki parlamentare.